Meghalaya Indigenous Minority Tribals Forum (MIMTF) dolrangni Garo Hills Autonomous District Council (GHADC) ni ning∙o dingtang Regional council-ko bikotchina dabienganiko jegale A·chik Conscious Holistically Integrated Krima (ACHIK) dolrang Tribal Affairs-ni Minister Jual Oram-na chittiko sedoataha.
Indian Constitution-ni Sixth schedule-ni ning∙o on∙gimin niamrango pangchake GHADC nangchongmotgipa kamrangko ka·angenga jeon jatni meli nangrimani, kakket ong·ani aro tribal jatrangni daka rikaniko autonomous-ni ning∙o ga∙akgipa biaprango kamrangko ka∙na dakchakaniba ong·enga ine ACHIK dolrang aganangaha. Garo Hills Autonomous District Council (GHADC) ni ning∙o dingtang Regional council-rangko nakatatgenchimode Garo Hills-o songdongenggipa A·chik manderangni GHADC-o pangchake melie nangrime donganiko ma·ekataniba ong·an baksana GHADC-na on·gimin bilrangko bilgriataniba ong·gen ine ACHIK dolrang chittio janapangaha.
Ia pilako nigrike kam ka∙chinagita a·dok sorkari, Ministry of Tribal Affairs aro Garo Hills-ni manderangko GHADC-ni ning∙o Meghalaya Indigenous Minority Tribals Forum (MIMTF) dolrangni dingtang Regional council-ko bikotna dabianiko ra·chakjachinaba ACHIK dolrang mol·molangaha.
