India a∙songo Goods and Services Tax (GST) ko gipin nangchongmotgipa bosturango kajina man∙aninirang komiani gimin apsangrik ong∙atna ma∙mong sorkari bariatna tik ka∙angaha.
‘Sin Goods’ chong∙motan cigarette, beaverage ba ringani aro tamakuni bosturango 35% tax rate-ko baridapataha. Unbaksana, nongani-pilani, gori aro juttarangoba dam bariatna tik ka∙angaha. Indake ong∙genchimoba, senior citizen-rangna sanna bannaniko dakanio health insurance aro life insurance-rangko gamani bidingo changalna GST Council chanchianiko daknaba gnang ine u∙iataha.
