Meghalaya a∙doko sports ni a∙bako tang∙doatna nanggipa rika cho∙anirangko tarinagita a∙dok sorkari tangka gong 1000 crore rangko chamate jakkalanggen ine Chief Minister Conrad Sangma Mongolbar salo West Khasi Hills ni Nongstoin-o tom∙anio parakataha.
Sorkarini sports ko dingtang mancha namdapatna aro sapgipa chadamberangko ra∙dona on∙kange kam ka∙na miksonganiko Sangma janapangaha. Ia kamrangko mongsongbate songadamrangona ra∙bana manderang baksa apsan bakrime kam ka∙anggen ineba Sangma aganangaha.
