A·dokni skanggipa State University na me·chikrangoni saksa Dr Vasanthi Vijayakumar ko Vice Chancellor ni kamna a·dok sorkarini Education Department December 4 tarik Budbar salo songangaha.
Captain Williamson Sangma State University-o uni VC ong·e kam ka·anio japrako gong 2,10,000 aro gong 5000 ni Special Allowance ko on·agita tik ka·angaha. Unbaksana University ni Finance Officer ni kamko jako ra·e ka·na Meghalaya Forest Service (Retd) DK Newar ko songangskaaha.
