West Garo Hills a·jani District TB Centre Tura, 100 days TB Free India Campaign-ko re·anggipa November 7 tariko a·bachengataha.
Ia program-ona Rangsakona MLA, Subir Marak mongsonggipa ong·e sokbaaha. Ua sagipa manderangko songsalo ong·gija chanchiani bidingo aganange uamangni pangchakna man·giparang ong·skachina aro dakchakchina janapangaha. Indake dakanichi saa napgiparangna on·gilani ong·gen ine Marak aganangaha. Sakantikon ia kamo bakko ra·china aro ku·monge TB sabisiko warachaknaba Marak sokbagiparangko didiangaha.
WGH, DMHO Dr. Jakrambal Sangma, ia campaign-o screening, X-ray, NAAT test aro dingtang dingtang namgnirangko ra·china aganangaha. Ia somoio Nikshay Mitra aro TB Champion-rangkoba mande ra·aniko dakangjolaha.
