Da·al salo, West Garo Hills Tura-ni District and Sessions Court Complex-o, Environment Laws chong·motan samtangtango donggipa a·gilsakni on·gimin gamjinrangko ripingna dongimin niam retirang, pollution-ni namgijani aro nosto ka·aniko Human Rights-o pangchake training program-ko ong·atangaha. Ia program-ko District Legal Services Authority, West Garo Hills Tura baksa Meghalaya State Legal Services Authority nangrime National Legal Services Authority-ni dakchakanichi ong·atangaha.
Tura District Legal Services Authority-ni Deputy Legal Aid Defence Counsel Walchirik B. Sangma, 1986 bilsio Bhopal Gas Leak ong·anio tarigipa Environmental Protection Act-ko uni agananio janapangaha. Ua ia Act-ni miksonganiko talate, samtangtango dongenggipa a·gilsakni gamjinrangko tange rakkianichi manderangna kenbegnigipa a·selrangoniko aro janggi gnanggiparangnaba namdapaniko ra·bana amaniko aganangaha.
Sangma, songdongenggipa sakantikon ia gamjinrangko nosto ka·aoniko chel·chake rakkina aro pollution-ko komiatna rakke kam ka·china didiangjolaha.
