Batanggimin salrango Bhutan a·songoniko dal·gipa ro·ongrangko salbana bol gittam truck-rangnasan hukum ba bilko West Garo Hills-ni Deputy Commissioner Jagdish Chelani on·genchimoba dongimin niamrangko pe·e bol bonga truck-rangni salbaanirangko nikna man·enga ine u·iatangaha.
Kobor rangko man·soanigitade ia truck garirang Bhutan a·songoni re·bae Paikan oni Tura ramako napake Dalu sima ari jolni ramagita dal·gipa ro·ongrangko Bangladesh a·songona watataniko dakenga.
Re·anggipa salrangode Bhutan a·songoniko dal·gipa ro·ongrangko salgipa truck garirang Agia-Medhipara-Phulbari-Tikrikilla (AMPT) ramaoni Garobadha-Betasing-Ampati-Mahendraganj gita salbae Mahendraganj onisa Purakhasia ona re·ange Dalu ona re·angskachim ine aganangaha.
Indake nangana batpile jrimgipa bosturangko salgipa truck garirangni re·ruraanichi Asanang o donggipa Aguragre ramarangko nosto ong·ataona sokatgenchimoba darangba ia niam pe·aniko nirokaniko dakjaenga ine parakangaha.
