SWGH Balalgre-o donggipa a·dokni skanggipa state University chong·motan Captain Williamson Sangma State University-ko Chief Minister Conrad Sangma da·al salo oprake on·angaha.
Da·alni program-ona Meghalaya Legislative Assembly-ni Speaker Thomas Sangma, Deputy CM Snaiwbhalang Dhar, Education Minister Rakkam Sangma, gipin Minister-rang, MLA aro MDC-rang sokbatokaha. Unbaksana, Education Department-ni Commissioner & Secretary Vijay Kumar Mantri aro University-ni Vice Chancellor Prof. Vasanthi Vijayakumar iamangba bakko ra·angaha.
Sokbagiparangna aganengon a·dokni Education Minister Rakkam Sangma, poraia skianiko namdapatna university-ni niksamsoaniko parakangaha. Chief Minister Conrad Sangma-ba, poraia skiani a·bako uni sorkarini bilakdapatna miksonganirangko janapange, ia university-ko bikotanian mingsa ja·ku ga·ani ong·a ine aganangaha.
Ia programo Garo Hills ni bang·a college rang jekai Williamnagar College, Captain Williamson Sangma College, Baghmara, Rongjeng Model College, Ampati Degree College, PA Sangma Abong Noga College, Tura, Mason Philips Academy, Tura, Mirriam Rural Women’s College aro Tura Christian College a·dokni skanggipa State University baksa nangrime gitalgipa course rangko ra·gatna application rangko on·angtokaha.
Program-ni bako dingtang dingtang dakmesokanirang jekai Wangala chrokani, Khasi aro Koch jatni chorakanirangkoba nikangaha.
