Meghalaya a·dokko man·aoni bilsi 53-gipa Statehood Day-ko da·al January 21 tariko maniangaha. Manianiona, Chief Minister Conrad Sangma, Deputy CM Prestone Tynsong aro Sniawbhalang Dhar, unbaksana gipin Cabinet Minister-rangba sokbae bakko ra·angaha. Da·al salo, Umsawli, New Shillong Township-o riknasienggipa gital Meghalaya Secretariat-naba foundation songani ceremony-ko dakangjolaha.
Jowai songjinmaoba ia chang 53-gipa Meghalaya Statehood Day-ko District Library sokachakenba maniangdilaha. Unbaksana, 6-gipa Meghalaya Games-koba Wahiajer stadium-o a·bachengatangaha.
Ia Statehood Day-ko maniani bako, kamtango bimchipe dangdike on·gipa dingtang dingtang manderangna Governor’s Police Medal-ko sak 14-na, Chief Minister’s Police Medal-ko sak 12-na aro Fire and Emergency Services and Home Guards-ni sak 7-na Chief Minister’s Disaster Response Medal-ko mande ra·enba pakwatangaha. .
