South Garo Hills-o, 200 Bn BSF sipai dolrang kakketgipa koborko man·ani ja·mano am·sandianiko dakenba Bangladesh a·songoni sak 5 manderangko niamni a·palo India-ona bostu badingsrukbana jotton ka·giparangko rim·na man·aha. Rim·a man·gipa manderang Md. Sakibul Basir, Adnan Mahamod Rohim, Sojib Ahamed, Md. Sakib Hussain aro Md. Saju ong·a.
Apsandaken, East Khasi Hills aro West Khasi Hills-oba am·sandianiko dakenba gong 13.54 lakh damni bosturangko rim·a man·aha. Uamangni ra·baenggipa bosturangara kombol, jeera, chini, chu aro matchurang ong·a jekon sipai dolrang sima ari jolo rim·rikaha.
Rim·a man·gipa bosturangko police thanana aro custom office-na pakwatangaha. Ian BSF sipai dolrangni sima ari jolo dontonggija nirok simsakaniko mesoka.
