A·doko sports ni a·damko namdapatna NPP chi dilenggipa MDA sorkari re·anggipa 2018 bilsioni bang·a rika cho·anirangna gong 1000 crore tangka paisarangko koros ka·e kamrangko ka·angaha ine Chief Minister Conrad Sangma Budbar salo parakataha. Bilsi antion State Sports Association rangna gong crore 2 tangka paisarangko grant dake on·enga aro sports event rangna bilsi prako crore 50 ko koros ka·an baksana crore 8 tangka rangko cash incentive dakeba sualangaha ineba Sangma aganangaha.
Da·o dipet a·dok gimiko ge 300 sports ni rika cho·anirangko tarie on·angaha. Unbaksana 2022 bilsioni a·doko ge 10 national aro international event rangko ong·atangaha jeon sak 2500 nigita manderangna bilsi antion kamrangko on·a man·enga ineba u·iatangaha.Re·anggipa bilsirango, MDA sorakrini jako ra·e kam ka·na skang sports na rika cho·ani project rangna crore 100 na komiesa man·ronga aro state sports association rang nanggipa grant ba tangka paisarangko man·ani komibea ine CM aganangaha. Una agreba batanggimin somoirango sports ni a·bao changgipa sapgiparangko maming dake sandiani ba training on·ani programrangba dongja ine aganan baksana, MDA sorkarini dilanio da·o dipet sak 24,500 mangnigita talent ID program-o bak ra·anganiko nikna man·angskaaha.
A·songo dal·batsranggipa football stadium ko Mawkhanu-o rikenggipako 2028 bilsio matchotatna miksonganikoba CM parakangaha. Ia stadium-o sak 40,000 manderangko chakatnagita gong crore 400 tangka paisarangko chamataha. Unbaksana gong 150 crore ko chamate Mawdiangdiang sports complex koba rikenga ine CM aganangaha.
Cash Awards Scheme nigita sak 3500 athletes aro coach rangna gong crore 6 tangka paisarangko sualatenga aro Sports Scholarship Scheme nigita sak 350 athletes rangna gong crore 2.5 tangka paisarangkoba sualatenga ine CM parakataha.
