Da·al salo District Development Coordination and Monitoring Committee (DISHA) tom·aniko Tura DC Office-ni DRDA Conference Hall-o Ministry of Rural Development aro West Garo Hills a·jani ning·o ma·mongni chamatgipa scheme-rangko jakkalani report-rangko nipiltaianiko dakna gita Tura-ni MP Saleng Sangma-ni dilanichi ong·atangaha.
Ia ma·mongni scheme-rangko jakkalanio neng·nikaniko mikkangchake kamrangko ka·na aro a·jani manderangna namroro silroroaniko namdapatna, department-rangko nangrime kamrangko ka·chinaba Saleng Sangma aganangaha.
Nipiltaianiko dakmiting somoio a·jani department-rang dingtang dingtang scheme-rangni kam ka·ani report-rangkoba on·angtokaha.Ma·mongni scheme-rang jekai MGNREGS, PMAY, District Rural Development Agency (DRDA) niNational Social Assistance Scheme, NRLM, Development Branch-ni MPLADS, Swachh Bharat Mission, DDU-GKY, Supply Department-ni Implementation of Food Security Act, DCIC-ni PMEGP, RKVY, Agriculture department-ni PMKSY, ICDS, Department of Health & Family Welfare-ni National Health Mission-ni ning·o RBSK, Sarva Shiksha Abhiyan, Midday Meal Scheme, PMGSY, PWD-ni Highways, Soil and Water Conservation aro District Water Resources-ni PMKSY scheme-rangni bidingo tom·anio nipiltaianiko dakangjolaha.
West Garo Hills-ni Deputy Commissioner Jagdish Chelani, Dadenggre Civil Sub-Division-ni Sumeet Singh, District Planning Officer Nippon Hajong, Additional Deputy Commissioner-rang, gitcham MLA Ferlin C A Sangma, Greaterson Arengh, West Garo Hills-ni Officer-rang aro dingtang dingtang line Department-ni dilgiparangba ia tom·anio bakko ra·angtokaha.
