Manderangna mikrakaniko ra·bana 100 Days Campaign-ko dakenggipani bakgita mijal salo Bhaitbari Community Health Centre (CHC)-o camp-ko ong·atangaha. Ia camp-o dingtang dingtang biaprangoni sak 90 manderang koros nanga gri sabisirangko porikka ra·e niangtokaha. Sak 32 saenggipa manderangna Pradhan Mantri TB Mukt Bharat Abhiyan (PMTBMBA)-nigita samrangkoba suale on·angjolaha.
Camp-ona, Rajabala MLA, Dr. Mizanur Rahman Kaji mongsonggipa ong·e sokbaaha. Ua dingtang mancha TB sabisini bidingo sengnang biatiko rim·a man·a, naljoksona aro somoigita sanna bannaniko dakna nangani gamchataniko aganangaha. Ua manderangna Nikshay Mitra-ni giminba talatangaha jekon TB sagiparangna namgipa cha·anirangchi, agan skie on·anichi aro vocational training-ko on·e dakchakna sorkari bikotaha.
Nikshay Mitra-ni miksonganigita ua TB sabisioniko naljokani aro sannaniko manderangna u·iatchina, unbaksana, simsakani aro dakchakaniko namdapatchinaba aganangjolaha. Dr. Kaji, manderangko TB sabisiko bon·atna dakgrikanio ku·cholsan Nikshay Mitra-o bakko on·chinaba didiangaha.
