Chang 76-gipa Republic Day ko Tura songjinmao Robibar sal, January 26 tariko manianio adita award aro certificate rangko Chief Minister suale on·angaha. Garo Hills-o mingsingbegipa historian, lekka sena sapgipa aro NEHU Tura Campus ni gitcham Pro-Vive Chancellor, Dr. Milton Sangma-na life time achievement award ko on∙angan baksana gong lakh 5 tangka ko Chief Minister on∙angaha.
Appreciation Award rangko Line Department ni Officer John Ferdinand D Shira, Assistant Executive Engineer, PWD Roads, West Garo Hills aro Rocky A Sangma, Assistant Executive Engineer, Tura East Distribution, Sub-Division, MePDCL, Tura na on·angaha. Una agreba Tribal Achievers Award ko jawilwat tarigipa Elvachisa Ch Sangma na Chief Minister ni jakchi on·angaha.
Appreciation Certificate rangko Sindaline D Sangma, District Pedagogy Co-ordinator, SSA, Tura, Dhojendro R Marak Peon, Dalu Government Higher Secondary School, Dalu, Grikjang Ch Marak, B Tech Student (Mechanical) Kaziranga University aro Arbansing A Sangma, Assistant Lecturer, Tura Government Girls Higher Secondary School, Tura na on·anga.
Una agreba Appreciation Certificate rangko Tilotama R Marak, Journalist, Information and Public Relations Office Tura, Simche K Sangma, Peon, District Horticulture Office Tura, Swarupa Nanda Banai, Assistant System Engineer, Election Branch, DC Office, Tura aro Sengmitchi M Marak, Peon, DC Office, Tura na Selsella Constituency ni MLA Arbinstone B Marak ni jakchi on·angskaaha.
Ia salo Beti Bachao Beti Padhao Scheme ni bilsi 10 gapaniko District Social Welfare Officer, Tura ni manijolanio 2024 bilsini SSLC porikkao Topper rang jean St Xaviers School, Tura ni Aime Azora G Momin, Sherwood School Tura ni Ayumi M Momin, Christian Girls Higher Secondary School, Tura ni Lilian Christiano B Marak aro Eve Amareen A Sangma ko mande ra·an baksana boksis rangko on·angaha. Women Police Sub-Inspector Salmay Marak aro Tanya Marak ni Beti Bachao aro Beti Padhao Champion ine ra·chaka man·anina aro uamangni bimchipbee kam ka·anina Chief Minister mande ra·aniko dakangaha.
Bon·kame, Appreciation Certificate rangko Mingson Ch Sangma, Grade IV, District TB Hospital, Teroll N Sangma, Surveillance worker aro Health & Family Welfare Department-o kam ka·giparang Ricardo A Sangma, LDA aro Fisheries Department Tura ni LDA Sundalson M Sangma na Principal Secretary, Department of Health and Family Welfare, Government of Meghalaya Sampath Kumar ni jakchi suale on·angaha.
