Khasi Hills Autonomous District Council (KHADC) aro Jaintia Hills Autonomous District Council (JHADC) election ko ong·atna Meghalaya ni Governor CH Vijayashankar Sombar salo tarikrangko parakataha.
Order on·gimino janapanigitade election ko February jani 21 tariko ong·atanggen aro chananiko 24 tariko ka·angskagen. Pu·ongiparang pring 7 bajioni attam 4 bajionibajiona polling station tangtango pu·ona man·anggen.
Election-o susanasienggiparang January 27 tarikoni February 3 tarikni 3 bajiona nomination file ka·aniko dakangna man·gen. Election ni tarikko parakatani gisepon East Khasi Hills ni District Magistrate RM Kurbah a·jao Model Code of Conduct (MCC) ko ra·gatna ge·etangaha.
Kakketgipa aro jakgitel ong·e ia election-o pu·ona man·agita tangka paisarangko ong·gija bewalo jakkaljachina aro tangka gong 50,000 na bate ra·bitjachinaba Magistrate u·iatangaha.
