India a·songo Central Pollution Control Board (CPCB) rang·sitgipa balwani rongtala-rongtalgija ni kri adita bakrango done gadangko donronga. Byrnihat jean Meghalaya a·dok aro Assam a·dokni sima ari jolo ga·akgipa biap ong·a jekon CPCB ia biapko ge 231 jilla rangoni mingsa Air Quality Index o 412 nisanko man·e severe category ba balwani namen rongtalgijagipa gadango donatako man·aha.
CPCB ni gita severe category (AQI 401-500) saa ding·a gri gipa manderang koba saa ding·aona sokatna altubea aro sae ding·e dongenggiparangko biljimatna bil donga ine u·iatangaha.
Batanggimin jagniko niatgenchimode Meghalaya a·dokni ning·o ong·gipa jolo adita balwarango moila komianiko nikna gita man·enga ine Meghalaya Pollution Control Board (MPCB) ni dilgipa aganangan baksana Byrnihat jolrang Meghalaya aro Assam a·dokni jatchigrik ong·ani gimin balwako mai manchani a·sel moila ka·engani ja·pangko name dake am·sandiosa ma·sina amgen ineba aganangaha.
Mikkangchi balwarangni moila ong·anirang tang·dogenchimode Assam jolo donggipa coke plant, cement tarichakram biap aro gipin karkana rangkoba name dake niatchengna nanggen ine MPCB ni dilgipa agandapangaha.
