West Garo Hills, Tura Christian Girls’ Higher Secondary School-o salgnimangna Horticulture Show cum Exhibition and Flower Arrangement Competition-ko da·aloni a·bachengataha.
Ia susaaniona WGH a·jani Deputy Commissioner, Jagdish Chelani mongsonggipa ong·e sokbaaha aro ua department-ko ia susaaniko ong·atanina ra·doe aganangaha. Indakgipa susaanirang me·su ba biterangko aro pul ge·na gisiko nanggiparangna uamangni ge·giminrangko mesokna aro ge·gimin bosturangko pale sim·e cha·ani cholrangko ma·sie ra·na nangchongmota ine aganangaha. Ua manderangko mono cropping ba apsan bi·apo cha·drimgipa biterangko ge·brinchina aganangaha.
Tom·anio aganengon, District Horticulture Officer, West Garo Hills, Tura Thera Ch Marak, Tura Agri-Horticultural Society-ni a·bachengbaaniko aro miksonge kam ka·anirangko parakangaha. Batanggimin changrango neng·nikanirangko man·ani a·sel susaanirangko ong·atna man·jaha aro da·o bilsi 5-ni ja·manosa ong·ataina man·e Marak katchae aganangaha.
Research Officer, District Horticulture Office, Tura, E D. Sangma, Secretary, Tura Agri-Horticulture Society, Witterson Arengh, Joint Director Agriculture, B Sungoh, District Agriculture Officer, Tura Mariana Dkhar, District Agriculture Officer, South West Garo Hills, Ampati L Diengdoh, dingtang dingtang a·jarangni Agriculture aro Horticulture Officer-rang, gipin department-rangni aro jolni pul ge·na gisiko nanggiparang program-o bakko ra·angtokaha.
Ia exibition cum flower arrangement completion-ko mongsonggipa sokbagipani jakchi oprake on·aha jeon dingtang dingtang category jekai Bougainvillea, me·su samjakrang, pot-o ge·gipa pulrang, Foliage, Cacti aro Succulent, Bonsai, balgito, ran·gipa aro fresh pulrangko name done tarianirango pangchake susaatenga. Iasan ong·aigija jolo man·gipa moslarang ba song·a channanio smilatgipa bijakrang, me·su aro biterangkoba mesokenga.
Susaanio nambatgipako basena Retired Agriculture Officer-rang aro pul ge·na gisiko nanggiparang jugde ong·enga. Pulrangkoba ia a·damo paljolenga aro ra·na sikgiparangde knalo re·ange brenagita man·gen.
