Delhi Assembly election 2025-o susaaniko bang·bata exit poll-o mesokanigitade BJP-ko AAP party-ni kosako chegipa ong·aniko mesokangaha. Result-ko knal sal February 8 tariko on·gen aro ian a·songni capital-o sorkari riknagipako seokaniba ong·a. P-
Marq exit poll-ni parakatanio BJP dolna bang·bata seat-rango cheaniko mesokaha jeon uamangna 39-49 seat, AAP-na 21-31 seat aro Congress 0-1 seat man·ako mesokaha. Gipin agency-rang jekai Peoples Pulse, JVC Poll, People’s insight aro Chanakya Strategies, iamangba BJP dolni cheanikon mesokangaha. APP dolni cheaniko Mind Blink aro Wee Preside ge·gni agency-rang mesokskaaha.
Delhi assembly-o chu·gimik 30 seat-rang gnang jeon 36 seat-rangko majority ong·nagita chena nanggen. Election-ko re·anggipa Budbar tariko single phase-o ong·atangaha. Ia election-o BJP dol amgenchimode bilsi 27-ni ja·mano sorkari nokgipa ong·taina man·ani ong·gen. Re·anggipa 1998 bilsio Delhi-o BJP doloni Chief Minister ong·aoni da·ona kingking ong·taia dongkuja.
