North Garo Hills ni pulis dolrang baksa Assam pulis dolgni bakrime am·sandianichi sak 5 manderangko da·al salo rim·na man·aha. Ia rim·a man·gipa manderangara bike cha·uanio jak donggipa ong·a ine pulis dolrang u·iataha.
Cha·ugipa bike Bajaj Pulsar (Registration No. AS 18 K 3422) jekon Goalpara Assam-ni Matia police station-oniko cha·uanggipako Wageasi OGC-oniko man·pilaha aro ge·gipin bike (Registration No. AS 01 FF 1309) ko Gairong Bazaar-oniko man·pilskaaha. Ia cha·ugipa bikerangko Bangladesh-ona srikrik Rongara gita uamangni watatna miksongenganiko ma·sina man·aha.
Sak 5 rim·a man·gipa manderangara Baghmara, Dabigiri-ni Rockstar M Sangma, Baghmara, Dabigiri-ni Sanstar A Sangma, Goalpara Sidabari-ni Fozirul Haque, Nayara Digpara-ni Rofiqul Ali (27) aro Nagarbera, Paharpara-ni Rakibul Islam (28) ong·a.
Rim·a man·gipa manderangko kakketgipa am·sandianirangko dakna Matia Police Sation-ona pakwate on·angaha.
