Indian Super League (ISL) 2024-2025 ko skanggipa changna mijal salo Jawaharlal Nehru Stadium Shillong songjinmao Mumbai City FC aro North East United FC kal·angaha. Ia kal·anio sokachakgipa NEUFC dol Mumbai FC-ni jako 2-0 chi ama cha·aha. Ia chang ISL 2024-2025 o Mumbai City FC chang 19 kal·anio 31 points-rangko man·e da·o 4-gipa gadangona tang·doangskaaha.
Mijal kal·anggipa, NEUFC dolna bang·en goal chipna cholrangko man·aha. Indake ong·genchimba namnamgipa cholrangko uamang goal-ona ra·doatna man·jaha aro Mumbai City-ni defense-ko bon·chotaonan pe·na man·jaha. Uandake, North East United, chang 20 mang kal·aoni 29 points-rang baksa mijalo ama cha·enba 5-gipa gadangona tang·onangskaaha. NEUFC re·baenggipa February 13 tariko Jamshedpur FC baksa kal·angskagen.
Mumbai City, mijal kal·e NEUFC-ko ame an·tangtangna 2 points-ko a·kange ra·aha. Uamang namen mangkime kal·angaha, mongsongbate Bipin Singh jean robolko name tarie on·timaha aro dol gimikoni nambate kal·giparangoni saksa ong·aha. Singh, doltangna skanggipa goal-ko 41-gipa minute-o chipaha aro somoi on·dapgipao Lallianzuala Chhangte gnigipa goal-ko chipskaaha. Mumbai dol February 12 tariko FC Goa baksa kal·anggen.
