South West Garo Hills, Ampati-ni DRDA Conference Hall-o Safer Internet Day-ni awareness campaign-ko District Administration baksa apsan nangrime ong·atangaha. Ia awareness campaign-ko a·song gimiko maming a·selgri internet jakkalanirangko nambatatna Ministry of Electronics and Information Technology (MeitY), ISEA project-ni ning·o dingtang mancha National Informatics Centre (NIC) baksa bakrime ong·atangenga.
Ia program-ko sorkarini dilgiparangna, department-o kam ka·giparang, skigiparang aro chatro chatrirangko namgipa bewalo jakkalna skie ra·ani aro a·sel obosta ong·gnirangoni naljokaniko ranta ka·anirangko skie on·a gita miksonge ong·atangenga.Ia program-o South West Garo Hills-ni Deputy Commissioner Hema Nayak, internet-rangko jakkale susana skani cholrang aro internetni mongsonggipa kam bewalrangni gimin aro kragipa bewalo jakkalna nangani giminba aganangaha.
Ia program-o Additional Deputy Commissioner R Ch Marak, T K Sangma, W C R Marak, Rerapara-ni AC aro BDO A Ch Momin, Betasing-ni AC aro BDO C R N Sangma baksana Education, Agriculture, Social Welfare aro Rural Development Department-rangni dilgiparangba ia tom·anio bakko ra·angtokaha.
Ia awareness campaign-ko District Informatics Officer (DIO) dingtang mancha internet-rangko simsake jakkale internet-nigita ken·begnigipa kamrangoni naljolke dongani giminba agane on·angaha.
