Manipur a·doko Meitei aro Kuki jatni gisepo kajia golmal ong·anirango batrikrikani a·sel ma·mong sorkari Bristibar attamo President rule ko ra·gatangaha. Ian re·anggipa February 9 tariko BJP ni dilgipa aro Manipur ni Chief Minister Biren Singh ni an·tang kamko watani ja·mano Ministry of Home Affairs (MHA) ia raiko on·angaha.
President rule ko ra·gatanichi Manipur-o a·dok sorkari sason ka·na maming bilko man·jawaha. Indian Constitution ni Article 356 o janapanigitade a·dok sorkarini pilak sason ka·ani bilko ma·mong sorkarina pakwate Governor an a·dokni skotong ong·e dilanggen.
