Meghalaya a·dokni Department of Textiles ko dingtang mancha ra·chakaniko dake Confederation of Indian Textile Industries (CITI) nigita Textiles Sustainability Award ni ning·o award ko on·angaha. Ia award ko India sorkarini Ministry of Textiles nigita Bharat Tex 2025 Global Textiles Expo-o bara dokani aro ganding chinding rango gisik on·e Bharat Mandapam, New Delhi o ong·atangaha.
Meghalaya a·dokni Department of Textiles ni daka rikanio pangchake bara dokanina mande ra·aniko man·beaha jenan Textiles Heritage Revival Award ko on·angaha ine CITI ni Secretary General parakataha. Ia award ara jatni daka rakanio pangchake kam ka·aniko tang·doatna kam ka·giparangko dingtang mancha ra·chakani aro de·doani ong·a.
Ia award ko Department of Textiles, Meghalaya ni Principal Secretary Frederick Roy Kharkongor, a·dokni aro department ni palo Union Minister of State for Textiles Pabitra Margherita ni jakchi on·angako ra·chakangaha.
