Mahendraganj-o rikenggipa College of Science & Commerce-ko Education Minister Rakkam Sangma da·alo re·ange nirokeaniko dakangaha. Unbaksana, Mahendraganj-ni MLA Sanjay Sangma, officer-rang aro gipin dilgiparangba a·damona re·angpae nirokangaha.
Sangma, ia college-ko rikanio kamrang namen ka·sinbeengani gimin uni suk ong·gijaniko parakangaha aro kamrangko ta·rakatchina PWD department-ko ge·etangaha. Ia bilsi May jaoni class-rangko kraa somoio a·bachengna man·agita academic block-ko matchotatchina Sangma department-ko didiangaha.
College-ko rika cho·anio da·o bon·kamgipa kamrangko dongkuenga. Indake ong·genchimoba college-ko ia bilsian a·bachengatna miksongani dongani gimin Sangma ia project-ni gamchatani aro nangchongmotaniko taraken chu·sokatchina daito gnanggiparangko ge·etangaha. Unbaksana, college-ko maming neng·nikani gri name a·bachengna man·agita skigipa staff-rangko aro gipin nanggipa manderangko kamo rakkina kamrangko ka·angengaha ine Sangma parakangaha.
