Khasi Hills Autonomous District Council (KHADC) aro Jaintia Hills Autonomous District Council (JHADC) ni election-na jasa ong·na ampile campaign rangko ka·ani ja·mano Khasi aro Jaintia Hills-o songdonggipa manderang da·al pringni 7 bajioni attam 4 bajiona an·tangtangni namnikgipa candidate rangna pu·one gitalgipa MDC rangko seokanggen.
Ia ge·gni ADC-o chu·gimik sak 13,08,818 pu·onasienggiparang donga jeon KHADC-o sak 9,96,518 aro JHADC-o sak 3,12,300 manderang gnang.Khasi Hills-o chu·gimik 1,669, Jaintia Hills-o 477 aro Ribhoi-o 331 polling station rang donga.
KHADC seatrangna susaenggiparang chu·gimik sak 158 candidate aro JHADC na sak 114 candidate rang susagrikanggen. Ia election-na chananiko re·baenggipa February 24 tariko ka·angskagen.
