Khasi Hills Autonomous District Council (KHADC) ni sak 29 gital seoka man·gipa MDC rang da·alo East Khasi Hills ni Deputy Commissioner ni dilanio ku·mikchetangaha. Ku·mikchetanggipa MDC rangara Voice of the People’s Party (VPP) ni sak 17, United Democratic Party (UDP) ni sak 5, National People’s Party (NPP) ni sak 4, Hill State People’s Democratic Party (HSPDP) ni sak 1 aro Independent ni sak 2 ong·a.
Apsan daken Jaintia Hills Autonomous District Council (JHADC) ni sak 29 gital seoka man·gipa MDC rangba da·alo West Jaintia Hills ni Deputy Commissioner ni dilanio ku·mikchetangaha. NPP ge 13 seat rangko man·e, UDP aro Independent MDC rangni chakpaanichi sak 18 MDC ona tang·doe gitalgipa Executive Committee (EC) ko rikanggen.
KHADC aro JHADC ni gitalgipa Chairman aro Chief Executive Member (CEM) ni gadangna February 28 tariko seokaniko dakangskagen.
