Rongjeng MLA Jim M. Sangma mijal salni assembly budget session-o Tura-ko winter capital songani bidingo aganangaha. Ia kattarangko Sangma, Governor-ni agangipani bidingo agana somoi on·gipao bak ra·pae Tura-ko winter capital songaniko namnikpae parakangaha.
Sangma uni kattarango Tura-ko winter capital songna miksonganiara ru·uta somoirangna chanchie Garo Hills-ni manderangni nangnike dabigipa ong·a ine aganangaha. Tura-ko winter capital songenchimode Garo Hills-ni manderangna bang·a namgnirangko ra·baan baksana administration-o kam ka·anirangko sepangbate dangdike on·a aro tang·doanikoba ra·bana man·gen ine aganangaha.
Unikoa, Sangma batanggimin bilsirango sorkarini bang·a kamrangko ka·e dingtanganiko ra·baanina demittele aganangaha. Skia pora, sports, rika cho·a aro uandake dingtang dingtang mingnamgipa kamrangkoba Sangma janapangaha.
