Education Minister Rakkam Sangma, da·al salni assembly session-o ge 38 Eklavya Model Residential Schools (EMRS) rangko kam ka·na ma·mong sorkari ra·chakaha ine parakangaha. Unbaksana, ge bri Centre of Excellence for Sports-ko tarina nangnikanikoba ma·mongna parakataha aro uamangni ra·chakaniko sengkuenga ine Sangma ia kattarangko question hour-ni somoio sing·anina aganchakangaha.
Ia 38 EMRS-rangni gisepo ge 5 school-rangna a·ani bidingo neng·nikanirangko man·enga. Uni agananigitade, ge 16 project-rangko da·o kam ka·enga aro ge 7 school-na Detailed Project Report (DPR) rangko tarikuenga ine Sangma u·iataha.
Unikoa, da·o dipet pilak kamrangoni Samanda aro Pahamsyiem-ni EMRS scholl-rang matchotaniko ua parakangaha. Ia school-rangko ta·rake matchotatna man·agita a·dok sorkari ministry baksa golpogrikenga ine Sangma agandapangaha. Question Hour-ni bako ia katta bichongni gimin LO Dr. Mukul, Ardent Miller, Brightstarwell Marbaniang aro gipinrangba bakko ra·angaha jeon adita sing·anirangna Education Minister-ni aganchakna jajaaniko assembly-o nikangaha.
