Tura ICFAI University, Super 5 NJY Memorial Cup 2025 Futsal Tournament-ko District Football Association aro District Sports Office baksa nangrime re·baenggipa March 27-oni 29 tarikona ong·atanggen.
Ia Futsal Tournament-ko Tura Chandmari Football Turf-o ong·atanggen, March 29 tariko boksisrangko sualangskagen. Ia tournament-ko ong·atna miksonganiara sports-na gisiko nanggipa jolni chadamberangni changa sapaniko ra·dona aro namgipa gunko ra·bana ong·atenga.
Sports-na gisiko nanggipa kal·gipa dolrang ia kal·susaanio bako ra·na sikgenchimode District Sports Office Tura-ona re·ange entry fee gong 1,500 ko gam·e form-rangko register ka·enagita man·gen. Form-ko joma ka·ani bon·kamgipa sal march 23 tarik. Nambate ma·sina sikgenchimode 8837307533 mobile number-ona ka·atna man·gen.
