East Garo Hills-ni Cheran Alda songo Antyodaya Anna Yojana (AAY) aro Priority Household (PHH) ration card donggiparang ADIL NGO baksa nangrime February jani man·a nangenggipa cha·ani ringani bosturangko on·kujaenganina badi ka·doangaha. ADIL dolrangni u·iatanigitade, uamang bang·a changon iani bidingo department-ni aro Public Distribution System (PDS) dealer-ni bosturangko sualgija dongenganina EGH-ni Deputy Commissioner-na lekkarangko sedoataha ine janapataha.
National Food Security Act (NFSA), 2013-ni ning·o man·a nanggipa mirongrangko suale on·kujani a·selo bang·a nokdangrangan neng·nikanirangko man·tokenga ine ADIL dolrang u·iataha.
Uni gimin ia kamna daito ga·akgiparangko jako ra·e ta·rake nirokate neng·nikaniko man·gipa nokdangrangni man·a nanggniko suale on·china uamang parakataha. Unbaksana, manderangkoba iani bidingo ma·sie ra·china aro Cheran Alda songo neng·nikaniko man·e dongenggipa manderangna dakchakchina didiataha.
