World War l-o bak ra∙gipa A∙chik Matgrikrangko gisik ra·na Tura Babupara-o tarie dongipa Cenotaph-ko pe·e gital dake taridapaniko dakna committee-rangko songe on·china Civil Society Organization (CSO) aro Mothers’ Union-rangni dabiangaha. NGO dolrangko Chief Minister Conrad Sangma Bristibar salo Tura-o gronge chanchirimani ja∙man gitalgipa committee ko songe on∙a ku·rachakangaha.
Indigenous Women’s Forum of North East India (IWFNEI) aro Asia Indigenous Peoples Pact (AIPP) unit-ni Mothers’ union dolrang pe·gimin Cenotaph-ko taridape on·china raken dabianiko dakangenga.
Ia tom·anio dingtang dingtang dolrang, Chief Minister Conrad Sangma baksa agangrikengon, Cenotaph-ko pe·e galanina suk ong·gijaniko parakange, gital Cenotaph-ko riktaina kamko ka·anio, Cabinet Minister-ni dilanichi committee-ko songe on·chinaba aganangaha.
Ia Cenotaph-ko taridape on·anian, World War-I o dakchakna re∙anggipa A·chik matgrikrangko mande ra·na aro gisik ra·na ja·ku de·e kamko ka·e chu·sokatna gita committee-ko songe on·a sorkari kamko ka·anggen ine Garo Hills-ni dingtang dingtang dolrang uamangni ka·dongsoaniko parakangaha.
