Council of State Industrial Development & Investment Corporations of India (COSIDICI) ni Vice President-ni gadango kamko ka∙na Meghalaya Industrial Development Corporation (MIDC) ni Chairman James P.K. Sangma ko Budbar sal, March 26 tariko songangaha.
Ian re∙anggipa March 10, 2025 o COSIDICI ni Annual General Body meeting-o chanchirimani ja∙mano 2025-26 bilsina COSIDICI ni Executive Committtee ko seokangaha. Ia tom∙ani Agenda Item No. 6-o pangchake adita chanchirimanirangko dake, James Sangma ko 2025-26 bilsini Vice President na seokanagaha ine COSIDICI ni Director General Hans Raj Verma parakataha.
Indake ru∙uta bilsiranggna MIDC aro COSIDICI ni apsan bakrimanichi mikkangchi nambata gadango kamrangko ka∙na miksonganikoba aganangaha.
Vice President ni kamna seokaniko man∙e, James Sangma uni mittelpilskaaniko aganan baksana mikkangchi Meghalaya a∙dok aro a∙song gimiko chugipa gadangni karkana rangko ra∙bae on∙a apsan bakrime kam ka∙na manchianiko parakangaha.
