Re·baenggipa April 7-oni 9 tarikona Sikkim Rangpo-o ong·nasienggipa changgnigipa NECDC Senior Women Tournament 2025-o kal·na Meghalaya Cricket Association (MCA) ni Senior Women Selection Committee sak 15 cricket kal·giparangko seokangaha. Re·anggipa bilsio skanggipa tournament-ko Ri-Bhoi, Nongkhrah-o North East Cricket Development Council ong·ataha. October jao mikkarang jimbee waani a·selo ia susaanio Sikkim aro Nagaland dolgnikon chegipa dakatna nangao ga·akaha.
A·doktango sokachakahaoba Meghalaya dol final-ona sokdona man·jaha aro dao gnigipa NECDC Senior Women Tournament 2025-o susatainagita sak 15 mang kal·giparangko seokaha. Ia tournament-o kal·nagipa sakgni A·chik metrarangba gnang.
Meghalaya-ni squad: Debasmita Dutta (C), Riticia Nongbet (VC), Luiza Tamang, Monica L Phawa (WK), Neha Hajong, Ankita Sharma, Rebeldalis Syiemlieh, Ruby Chettri, Daiaka E Warjri, Ritreki Pohshna, Rikmanchi M Sangma, Indariakor Kharwanniang, Monica Singh, Deimaphishisha Lamare, Ajima Sangma
Standby: Saradafica Kharbani, Dubleen Nengnong, Solina Jaba, Neelam Roy, Shruti Kumari Ray
Dakchakgipa staff-rang: Mackie D Blah (Coach), Bhakupar Mylliemngap (Assistant Coach), Wandashisha Dkhar (Physio), Darishesha Mawroh (Trainer), Baiahunlang Mylliemngap (Manager)
