A·gilsak gimik baksa East Garo Hills Williamnagar songjinmani DRDA Hall-I o, World Tuberculosis Day ko “Yes! We can end TB : Commit, Invest, Deliver” katta bichongo pangchake District Tuberculosis Officer ni ong·atanio da·al salo maniangaha.
Ia manianiona a·jani Additional Deputy Commissioner (ADC), Ripamchi N Sangma mongsonggipa sokgipa ong·e, TB sabisiko gimaatna health department ni ja·ku de·aniko janapan baksana health officialrang, ASHA, angandi worker rang aro ia sabisioni naljokatna pilak kam ka·giparangko ua de·mittelangaha.
District Tuberculosis Officer Dr. Chrissie Pearly M Sangma TB sabisinioni maikai naljoke dongna man·ani bidingo aditan talate on·angaha. Unbaksana District Medical & Health Officer Dr. CEN Sangma aro DRTB-Coordinator Mecyah Momin ba ia tom·anio sabisini bidingo aganangaha.
Ia maniani bako a·jao TB sae dongenggipa manderangna adita cha·ani ringanirangko sualangan baksana skulni bi·sarangna quiz competition koba ong·atangjolaha.
