Myanmar a·songo March 28 tariko 7.7 magnitude bilsuanio banggriangaha jeon sak 1,002 manderang siangaha aro 2,376 manderang saknaaniko man·angaha ine parakataha.
Indake bilsubee banggriani a·selo Myanmar a·songna bang·a nisiataniko sokataha aro Thailand a·songni adita biaprangoba neng·nikarangko chagrongangaha.
Ia a·sel obostarang ong·ani ja·man India sorkarini “Operation Brahma” ko a·bachengate Myanmar a·songona tonne 15 mangni dakchakani bosturang jekai tent, kombol, sleeping bag, cha·ani, sam, generator aro gipin nangchongmotgipa bosturangko Indian Air Force C-130 sildorengo NDRF dolrang sokatangaha.
