South Garo Hills a·jani sima-ari jolo 144 Bn BSF sipai dolrang am·sandianiko dake rong 285 YABA tablet-rangko man·aha. Kakket koborrangko man·e BSF sipairang sandianiko dakon bolpang sepangniko plastic gisimoniko ia samrangko nikaha. Ia samrang Bangladesh a·songona niam gri badingatna donenggiparang ong·a ine BSF dol parakataha.
YABA tablet mingsa jakkalronga ong·ode ranta ong·atna man·gipa sam ong·a. BSF dolrang ia sandie man·gimin rong 285 YABA tablet-rangko SGH Gasuapara police thanana pakwatangaha.
Apsandaken, West Jaintia Hills a·jani Bangladesh sima-ari joloba mang 19 matchurangko man·aha. Ia matchurangba Bangladesh a·songona niam gri watatna am·enggiparang ong·a ine BSF sipairang parakataha. Iani bidingo nambate sing·sandianiko dakna naljokatgipa matchurangko sepangbatgipa police thanaona pakwatangaha.
