Re·anggipa January jao police ni kamna rimnapna katatanio chu·sokgiparangna uamangni senasienggipana porikkana name dake tarisamsona GSU Chokpot Regional Unit salsana coaching class ko March 29 tarik, Sonibar salo ong·atangaha.
Ia coaching class ko ong·atani miksonganiara re·baenggipa police entrance porikka o chu·soke seokaniko man·a dakchakani ong·a. Sapgipa Instructor rangna agreba Chokpot ni SDPO Krison R. Marak (MPS) aro Chokpot Police thana ni Officer-In-Charge Boas R. Marak aro Fenios Sangma ba bak ra·gipa sakantinan skie on·angaha. BDO Jericho N Sangma (MCS) ia coaching ong·atgipaona re·bae porikka na maikai tarisamsona nanganiko aro chu·sokani cholrangni bidingo skie on·angaha.
Chokpot ni sak 100 na bate chadamberang ia coaching class ong·atgipao bak ra·angaha aro sakanti bak ra·giparangko porikkana name tarisamsoe seatchinaba namgipa sikaniko GSU Chokpot Regional Unit ni President Jish A. Sangma ku·pattie on·angaha.
