Garo Hills Autonomous District Council (GHADC), Meghalaya Fifth Pay Commission ni ku·pattiagita dormaharangko on·a Meghalaya High Court-na ka·donganiko on·ataha. GHADC-ni ku·chakani ja·mano dormaharangko jarikkit ba regular basis-o on·angskagen. Uamangni kosako mokor doma segatanikoba court ku·chakaniko man·ani ja·mano ra·galangaha.
Ia petition-na aganchakenggipa counsel-ni nanggipa lekkarangko pakwatanichi ia mamlako court matchotmangimin ine parakataha. Counsel, S. Dey, office order No. 44 (19-09-2024) ko jekon GHADC-ni Secretary, Executive Committee-rangni issue ka·gipako court-na joma ka·aha aro mokor doma segatgipani nangnikagita dabianiko on·manaha ine u·iataha.
Mokor doma segatgipani counsel P T. Sangma, aganchakgipa counsel-ni pakwatgipa order-o jasa mangmangnasan dormahako on·a aganani donga aro regular basis-o on·a maming dakeba ra·chaka dongja ine janapataha. Iani bidingo talatengon, order No.44 o jasanasan dormarangko on·a agangenchimoba Meghalaya 5th Pay Commission-ko ja·rikkit on·a GHADC tik ka·aha ine aganchakenggipa councel parakataha.
