Resubelpara Girls’ Higher Secondary School-ni bilsi 60 gapaniko “Remembering the pioneers and fulfilling their dreams” ine katta bichongko done ia skul-ko a·bachengdilgipa aro gitcham skigiparangko gisik ra·e April 1, 2025 tariko maniangaha.
Ia manianiona Deputy Speaker Timothy D Shira mongsonggipa sokgipa ong·e bakko ra·angaha. Unbaksana Rongrong Constituency-ni MDC Rinaldo K Sangma, North Garo Hills-ni ADC, DSEO aro dingtang dingtang dilgiparangba re·bae bakko ra·angtokaha.
Ia skul-ko a·bachenge rikdilgiparangara Lt. Sudhindra K Marak, Lt. Josephine S Momin, Lt. Benodini G Momin, Lt. Dunalsing Momin, Lt. Geneth K Sangma aro Lt. Harrison K Marak ong·a. Ia skul-ni a·bachengo skigipani kamko ka·chenggiparangara Lt. Pethon G Momin , Lt. Gergon G Momin, Etoil S Momin, Aemanyed S Momin, Lt. Arabella K Sangma aro Lt. Phoeni D Sangma ong·a.
