Meghalaya Power Distribution Corporation Limited (MePDCL), One-Time Settlement (OTS) Scheme 2025-ko BPL ni ning·o ong·e jakkalgiparangna uamangni bijoli-na gamna nangenggipa billrangko matchote gamna gita April 30 tarikona ia scheme-ko ra·doatanga.
Ia Scheme-ko re·anggipa March 4 tariko Chief Minister Conrad Sangma, Power Minister-ni dongpaanio a·bachengate on·ange March 31 tariko bon·kame matchotatna tik ka·angaha. Indake ong·genchimoba ia Scheme-o bak ra·gipa manderang bang·ani gimin iani namgniko man·a cholrangko on·dapna April 30 tarikona ra·doatna tik ka·angaha.
Tangka paisani bidingo neng·nikanirangko man·gipa aro BPL nokdangrango 5KW ba una komiako jakkalenggiparang bill rangko gamna man·jani a·selo bijoli-ko den·a nangao ga·akgiparangna ia Ia OTS Scheme 2025-ko MePDCL dingtangmancha on·angaha.
Ia Scheme-ni ning·o 100% nigita Delay Payment Surcharge (DPC)-ni dongdikatako man·giparangna changsano chu·gimiko gamna One-Time Full Payment ba Interest-Free Installment Plan-ko basee gamna gita man·gen ine MePDCL u·iataha.
Ia Scheme-o sak 12,262 manderang an·tangtangni bimungrangko segatanganichi gong crore 15.97 gamna nangaoni crore 11.13 principal ong·a aro crore 4.84 nigita gamna nanganioniko dongdikataha. Ia OTS Scheme-ko April 30 tarikona baridapanitachi jemangan an·tantangni gamna nangkuenggipa bijoli-ni bill-rangko matchote gamna chol on·aniko MePDCL aganangaha.
Ia Scheme-ni dakchakaniko man·a sikgiparang sepangbatgipa MePDCL office-ona re·ange sing·sandina man·gen ba toll-free number 1912 ona ka·ate talbate u·ina man·anikoba aganangaha.
