April 4 tarik 2025, Sukrobar salo NEHU, Tura Campus-o oath-taking ceremony-ko ong·atanio, Garo Students’ Union (GSU), NEHU Unit-na gital seoka man·giparang dilgiparangna ku·mitchetaniko dakangaha.
Ia ku∙mikchetanio GSU Central Executive Committee (CEC)-ni Chief Advisor Manseng A Sangma dilange chatro chatrirangni apsan ku∙monge bakrimna gamchatani bidingo aganangaha. GSU CEC-ni President Tengsak Gabil Momin gital seoka man·gipa dilgiparangko ku·mitchetataniko dakdilange, an·tangtangni kamrangko melie nangrime, kakket-o dangdike on·a nangani bidingo aro organization-ni gamchataniko mangrake rakkina nanganikoba aganangaha.
Ia tom∙ani salo Rongram GSU Unit-ni President Chechang M Marak aro General Secretary Pender Gabil Momin baksana GSU CEC-ni member-rang aro chatro chatrirangko dilgiparangba bakko ra·angtokaha. Iako ong·atanian chatro chatrirangni poraianio aro dingtang dingtang neng·nikarangniko man·ani somoio chadamberangko pora skianio bilakatna aro chel·chake kamko ka·ani bidingo Manseng A Sangma aganangaha.
Ia gitalgipa kamrangna seoka man·gipa NEHU Unit-ni dilgiparangara President-na Chean Jakrik A Marak, Vice President-na Tengsuang D Sangma, General Secretary-na Roda Onchiba N Sangma, Additional General Secretary-na Jemiah Aranchi M Sangma aro Joyshelman D Sangma, COS-na Prenendo D Sangma, Publicity Secretary-na Ferry Trasha S Marak aro Adviser-na Chakram D Sangma-ko seokangaha.
