April 8 tarik, Mongolbar salo, South Garo Hills a·jao Indo-Bangla sima-ari gita Bangladesh a·songoni niamgri napsrukbana jotton ka·gipa mande saksako BSF dolrang champengsona man·aha. Ia mandeko police dolrangna pakwataha aro nanggipa sing·sandianirangko dakna custody-o donataha.
BSF dolrangni minggipin am·sandianiko dakani somoio mang 36 matchurang baksana gipin bosturang jekai chini, be·en bimangna nongani pilani aro salantio nokna jakkalgiparang jean chu·gimik lakh 6 hajal 98 mang damni bosturangko rim·na man·aha.
Ia rim·a man·gimin bosturangko police dolrangna nambate am·sandianiko dakchina pakwate on·angaha.
