Notification No. 765, April 5 tariko u·iatagita MBOSE Supplementary porikkana centre-rangko board-ni website-o upload ka·ataha ine MBOSE official-rang parakataha. Ia porikkana biming segataniko online-gita ra·chakanggen aro April 16 tarik pring 10 bajimangoni chatro chatrirang an·tangtangni bimingrangko register ka·na man·gen.
Chatro chatrirang porikkako sena centre rangona re·angon maming neng·nikanirangko chagrongjanagita 2025 bilsini chong·motan skanggipa porikkani SSLC admit card-ko ra·e re·angpachina MBOSE parakataha. Ia supplementary porikka 2025 SSLC porikkao chu·sokgijagipa candidate-rangnasan ong·a aro improvement dakna am·giparang sena man·jawa.
Biming segatani bon·kamgipa tarik aro gipin u·ina nanggiparangni bidingo pilakon u·iatgen aro regisiter ka·aniko chatro chatrirangna skie on·aniba website-on donggen ine MBOSE official talatangaha.
