Bilsi 14-ni ning∙o ong∙gipa me∙a bi∙sarangna Guwahati songjinmao ong∙nasienggipa 1st North East Little Master’s Trophy 2025-o kal∙na Meghalaya Cricket Association (MCA) sak 17 player-rangko mijal salo seokangaha. Ia U-14 cricket tournament-ko Assam Cricket Association-ni dakchakanichi ong∙atanggen.
Ia susaanio kal∙na sak 21 player-rangko a∙dokni dolni squad-na shortlist ka∙aha aro uamang Nongkhrah, Ri-Bhoi o training camp-o skie ra∙aniko re∙anggipa antioni dakangenga. Meghalaya dol April 19 tariko Guwahati-ona re∙anggen aro ia camp uamangni re∙angkuja dipetna dongangkugen.
Meghalaya squad-o Sahil R. Marak, Steve Rayan R. Marak, Anurup Paul, Janggo K. Marak, Donsrang Chubat Sangma, Calvin P Syngkli, Subot Kapri, Melvin Basil Warjri, Aditya Singh, Abhinav Khanal, Ashwin Shah, Jagrit Thakur, Aryan Sunar, Ayush Sangma, Abdulla Pathaw, Iaisanbha Khongji, aro Mebanlambha Lyngshiang, iamang ong∙a.
Standby-o Rimsrukang Ch. Momin, Teibankhraw Mukhim, Bansan Shaphrang Kynter aro Tuesdream Rabha ong∙skaa.
Support staff-rang Synrapsing Riahtam (head coach), Eugene K Kharsyntiew (assistant coach), Hamboy Langbang (physio), Skhembor Khongbtep (trainer) aro Prewindson Sangma (manager) Meghalaya dolko dilgiparang ong∙gen.
