Shillong Polytechnic-o Civil Engineering-ko 4 gipa semester-o poraienggipa Tura songjinmani A·chik metra saksa, Diana Ch. Marak April 6 tariko kae sianggipani dongrikenggipa nokdangni manderangna kalimpaaniko mesoknagita Shillong songjinmao bi·chakaniko dakangaha.
Unbaksana da·al attamni 5 bajio uko gisik ra·nagita dingtangmancha Shillong Polytechnic College-ni Girls Hostel mikkango Candle light service-ko dakangaha. Ia tom·anio Polytechnic College-ni skigiparang, chatro chatrirang baksana NEHU, William Carey aro Martin Luther Christian University-ni A·chik chadamberangba bakko ra·angtokaha.
