Da·al pring 7:30 bajimango SUV gari bolsa aro torangko salenggipa truck baksa Tura oni km 30 mang chel·gipa Jengjal jolni ramao chatinggrike a·sel ong·aha.
Koborko man·soanigitade ia obosta Dr. Steve Marak an·tangni kamtang Williamnagar-ona re·angmiting somoio ong·aha. Ia a·selo ga·akgipa Doctor aro uni driver adita saknaanirangko man·genchimoba uamangna be·en bimangnigita maming kenchakani dongja ine u·iatangaha.
Chief Minister Conrad Sangma, ia ong·a obostako social media-o janapate, West Garo Hills a·jao a·sel ong·anirang batroroenganiko nikna man·e iani bidingo Deputy Commissioner ko nirok simsakatchina ge·etan baksana manderangna mikrakatanirangko on·china didiataha.