Garoland na dabiani bidingo mikkangchi bilakdapatna Garoland State Movement Committee (GSMC), Southern Zone, Baghmara dolrang Rongara Regional Unit ko songangaha. Ia dabianiko Southern Zone o mangrakbate songsalni manderang baksa ku∙mongna manchie kamrangko ka∙angna uamang parakangan baksana India a∙songni Constitution-o pangchake Garo Hills ni dilgiparangba A∙chikrangni namgnina chanchie ia dabianio bakko ra∙angchinaba aganangaha.
Ia gitalgipa GSMC Rongara Regional Unit-o jako ra·e kamrangko ka·nagita Chairman-na Metroline M. Marak, Co-Chairman-na Pronoy G. Momin, General Secretary-na Niksrang Ch. Marak, Joint Secretary-na Raksilbirth Ch. Marak, Information and Public Relations Secretary-na Apjrang M. Marak, Environment Secretary-na Andrew N. Marak, Publicity Secretary-na Kebingstone D. Sangma, Chief Organising Secretary-na Chandebirth N. Marak, Organising Secretary-na Archibol N. Marak, Social Welfare Secretary-na Kaisar N. Marak, Executive Member-na Aiban N. Marak aro Executive Member rangna Dingsrang R. Sangma, Melton D. Sangma, Salgrish N. Marak, Raknash S. Marak, Rakbat G. Momin ko songangaha ine GSMC Southern Zone, Baghmara ni General Secretary Krangseng M. Sangma u∙iatangaha.
