Mijal walni somoio North Garo Hills, Nalbari Miapara Rabha Baptist gilja nok sepangjolo sakgni chadamberang ramao a·sel ong·e biapon janggi galaha. Koborko man·soanigitade uamang sakgni Wageasi Rongchong chiringo roe re·bapilmiting somoio uamangni Avenger bike-o ta·rakbee salani a·selo bol pangsao su·gake obosta ong·aha ine u·iataha.
Sianggiparangoni saksa Tengsimbirth D. Sangma, Dalbot Chiwate songoni Chinaging D. Sangma-ni depante ong·a aro sakgipinara Sengdim Marak, Dilma Dorengsaram-oni John Sanley Momin-ni depante ong·a ine ma·sina man·aha.
