NGO-rangni Executive Engineer-na janapaniko man·e Williamnagar Division PWD department, Chibok chibimako Nengmandalgre-oni Daribok-ona kasotgipa dolongko re·ange nirokeaniko dakangaha. Ia somoio uamang dolongko rikani pilak kamrangko nirokange, dolongo maming be·sreani chinrangko nikjaha aro re·rurana namgipa ong·a ine u·iatangaha.
Soroko angipa algatra-rangko tang·galenga ine agangipako uamang niange, be·sreaniko pindapna jotton ka·ani maming chinrang donggijaniko parakatjolaha. Ia soroko tang·gale ramarangko nosto ka·enggipara tariani somoio bosturangko ra·ruramitingo ga·akgipa algatrarangsa ong·a ine uamang u·iatangaha. Name nirokangani ja·mano uamang dolongko re·rurana namgipa aro manderangna maming kengni dongja ine parakataha.
