Meghalaya a∙dokni Director General of Police (DGP) ni kamko jako ra∙e ka∙na Idashisha Nongrang ko da∙alo songangaha. Nongrang, Senior IPS Officer rangoni saksa ong∙a aro uan Meghalaya a∙doko DGP ni gadango kam ka∙anio me∙chikrangoni skanggipa ong∙a.
Nongrang gitalgipa DGP ni kamko LR Bishnoi ni biapo ka∙angskagen jean bilsi 2 ni somoina chong∙motan May 20, 2024 tarikoni May 19, 2026 ona on∙kange kamrangko ka∙anggen.
